Gusto kong magsulat.
Nitong mga nagdaang araw ay nahihirapan akong magsulat, hindi sa dahil wala akong maisulat kundi dahil lumalangoy ang isip ko sa lawa ng mga ideya at tuluyan nang nalunod. Isa pa, ang mga tinga sa isip ko ay parang mga holen na nagsisiksikan sa isang butas ng embudo at hindi makawala.
Ngayong mga sandaling ito ay naisipan kong magsulat, tumitig muna ako sa blankong pader at hinahayaan kong dumaloy ang mga lintik na ideya sa makitid kong isip. Ilang sandali may luntiang likido ang pumatak sa aking keyboard mula sa ulo ko, luntian hanggang naging dugo at sabi ko, “Nagsusulat na ako.”
Napakaraming bumabalot na kalokohan ngayon sa ating bansa, ang mahal mong presidente ay kumain sa mamahaling restaurant, may mga artistang nag-aaway, nagpa papogian na mga politiko, ang pagiging National Artist ni Caparas, ang kontrobersya ni Willie Revillame at ang kapit-bahay mong may putok. Sa dami ng mga problema ay parang gusto ko na lamang lumubog ang buong Pilipinas sa tubig-dagat.
Dahil sa mga yan ay hindi ko maiwasang mag-isip, patanga na ba ng patanga ang mga Pilipino?
Naalala ko nang umalarma ang buong Pilipinas pati ang mga bakteryang sa Pilipinas dahil sa panloloko ni Alec Baldwin sa mga Pilipino sa The David Letterman Show. Pumutok ang fuse ng maraming politiko kasama na ang senador na si Bong Revilla. Sinabi ni Revilla na kapag pumunta daw si Baldwin sa Pilipinas ay maghahalo ang balat sa tinalupan, may balat ka ba Revilla? (joke lang ser).
Isipin natin ha, bakit ba galit na galit kaagad tayo sa sinabi ni Baldwin? Sino ba si ALEC BALDWIN para seryosohin natin? Tandaan na binanggit din ni Baldwin ang mga taga-Russia, pero nakita ba nating nagrebolusyon ang mga militanteng Ruso? Mga tol, over-acting lang tayo.
Racial Discrimination ba kamo kaya tayo nagagalit? Isipin nga natin ang pagtawag natin sa maiitim nating kakalse na Ita, sa mga singkit na intsik. Hindi ba dapat magrebolusyon din sila? Tingnan natin si Candy Pangilinan ayun nasampolan.
Sa showbiz, patuloy nating pinapakealaman ang mga artistang nagbubuntisan o mga artistang nakikipag-away. Mga tol, tao din sila katulad mo, kumakain at tumatae din sila. Isa pa, kung maging mabait lahat ng artista paano na lamang ang showbiz?
Tumatanga na nga ba talaga tau tayo?
Ganoon na lang ba tayo kadaling lokohin ng presidente natin? Ninanakawan na tayo harap harapan. Hello? Hello Garci? Tanda mo pa ba yan? Bakit nakawala yan sa kamay ng hustisya? Kung hindi bulok ang isip ng secretary of justice at ang mga galamay niya ay matagal nang wala ang mahal nating presidente sa kanyang upuan. Swerte mo Gloria Macapagal Arroyo, hindi ka sumakay ng helicopter.
Hinga muna.
Noong March 28, malamang hindi ka nakapanood ng Maalaala mo Kaya? dahil nagpatay ka ng ilaw at appliances para sumuporta sa Earth Hour. Tayong mga Pilipino ang pinaka-aktibong sumama sa nasabing gawain. Pagkatapos ay maraming nagsulputang concert para sa kalikasan kung saan gumamit ng libo-libong lakas ng kuryente sa mga sound systems at t.v. Sumali nga tayo sa earth hour para pagktapos ay maari na tayong mag-facebook maghapon, magcharge ng iPod, manood sa plasma t.v at maglaro ng Wii. Sumali ka sa earth hour para kinabukasan ay maari mo ng gamitin ang Ford F-150 mo at magsunog ng litro-litrong gasolina. Ang usok mo, sisinghutin mo ba?
Bakit hindi lahat tayo pwedeng yumaman? Bakit may mahirap?
May mga pobreng tao dahil may mga tangang tao at may mga magnanakaw. Wala ngang nakakasakop sa atin pero sinasakop tayo ng sarili nating lider.
Papayag ka bang maging tanga? Bakit hindi tayo kumilos? Siya nga naman, kaysa mag-rally tayo sa Mendiola eh manonood na lang tayo ng Wowowee. Isa pa takot tayo na baka kung ano ang mangyari sa atin at sa pamilya natin, isipin nating dahil tayo lalaban ya para sa pamilya natin.
Tama na. Sobra na. Palitan na.
Bahala kayo.